副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

公院緊急分娩經歷

話說 A&A 媽我已經有過第一胎係公立醫院自然分娩既經歷,感覺都良好,所以第二胎一直都無擔心過

話說 A&A 媽我已經有過第一胎係公立醫院自然分娩既經歷,感覺都良好,所以第二胎一直都無擔心過 因為正直疫症期間,已經暫停所有探病,但生前問過係公立醫院做既朋友,話仲有陪產,所以我就跌埋心水揀反係公立醫院生 一來,我係自然分娩,唔想洗一大筆錢去私院,二來,如果有咩突發情況私院設備應付唔到最後都係會張你送反去公院 懷孕到後期,產檢時發現有蛋白尿????,血壓偏高,心跳過快既問題????????醫生驚我有妊娠毒血症所以就安排我打驗一日性既尿,要我自己每日度血壓,一星期後再覆診 一星期內啲血壓同心跳都係偏高,尿報告又真係有蛋白尿情況,而且我有出現暈既狀態,個日去產檢,醫生就叫我立刻入院催生????????‍♀️ 我係咩都無準備,心情未準備,走佬袋又無拎既狀態下就比人推左上房 上房後醫生就幫我檢查子宮頸夠軟未,夠軟後就叫我換紫袍,等姑娘幫我打豆,等待既時候,我終於有時間打比我老公,但佢竟然無!聽!我!電!話!我又嬲又急到喊出來,雖然生過一胎,但個刻既心情都係會好緊張,好驚,好孤獨。我喊住whatsapp比屋企人話佢地聽我情況,姑娘就已經打好哂豆,催我汁好野,要推我落產房,叫我熄電話,我同姑娘話我聯絡唔到老公,可唔可以遲啲先熄電話,姑娘見我喊哂口,只好比我去到落藥先熄,而且姑娘同我講,依家唔比陪產!我當時真係立刻崩潰 係落藥前,我老公終於打反比我,但我已經唔想講太多,淨係同佢講,醫生要我依家立即催生,已經係產房,唔比陪產,生完再打比佢拎野過來就收左佢線 之後就有醫生入來幫我插尿喉,因為我心跳又快,血壓又高,驚要開刀,之後就人手幫我穿水,之後就已經落催生藥 催生藥另原本未有準備好既子宮收縮,十分痛!初期都仲係可以忍受到既痛,無耐之後我已經要喪吸笑氣,吸到反哂白眼,每一秒都過得十分漫長又寂寞 成間房淨係得我既呼吸聲同機械聲,因為疫症關係,久唔久先有姑娘入嚟望下我痛既情況,血壓同心跳 到最後我真係痛到急唔到,個bb就來要沖出來咁,我禁鐘仔先有醫生入來睇我開左幾度,之後就話開夠,生得,先一幫人沖入來,放好我對腳就叫我出力,因為第二次生,我都有少少掌握到個技巧,所以好快就將個bb推左出來,之後就做反啲既定程序,我就已經無力到攤左係度,任由姑娘擺布,由於疫情關係,全個過程,我都係要帶住口罩,所以真係差啲斷氣???? 我下次兩點半產檢,四點就落藥,八點幾,我既細A女女已經出左世,成個過程快到好似打丈咁,期間我心跳一直好快(130漂浮),快到自己都聽到, 但心裏一真祈求,千萬唔好食全餐,好彩最後都順利????????