副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

蝶豆花園 - 打卡放電一take過

  我們又去農莊啦,今次去左位於大埔既蝶豆花園,原本是被紫色的砵仔糕吸引,但入場後發現別有洞天,有新引入的草泥馬,有很多戶外遊樂設施,仲有小朋友最愛既餵動物。 皓熱天氣下,雖然????間變黑人,不過盡情同家人玩一日,快樂無價! 親親小動物 蝶豆花園內有羊咩咩;兔仔;龜;魚;孔雀;還有新引入cute爆的草泥馬。 入場位置可以買飼料,蘿蔔;草;魚糧及龜糧各$30/份,我當然全部要一份,因為小火子實在太太愛餵動物。 農莊佔地很廣,周圍都是打卡位 紫色風車;草泥馬公仔;餐廳內的壁畫都是必影的,室內室外其實都好好拍。 有人工湖,可以玩天鵝水上單車,其實仲有有蜜蜂養殖場但呢個我哋唔夠時間睇⋯ 有廣闊既戶外空間同多元化既遊樂設施 彩色滑梯;氹氹轉;鞦韆;沙池;仲有繩網都超好放電!呢個位我地玩左好耐,亦都咁就曬燶咗⋯ (不過係好玩既,同埋繩網位置比較多蚊,要補多d蚊怕水!) 餐廳有草泥馬精品(小火子入手既彩色草泥馬$88),仲有特飲同雪糕,分享個笑話比大家聽,我見到有 「雪糕-菠蘿$20」以為係菠蘿味雪糕,點左3份,點知出現嘅時候,係3個菠蘿包加雪糕 蝶豆花園 Butterfly Valley 地址:大埔鳳園路8號 設有停車場 $100日泊8小時 Facebook: https://www.facebook.com/butterflyvalleytaipo 活動興趣班 如果同我一樣見到紫色砵仔糕心心眼嘅話,可以喺呢度買入場券+手工班: http://bit.ly/35gTZEY 我平時好少機會同小朋友一齊整嘢食,呢類型嘅親子班就啱晒我啦,因為唔使準備材料,製成品又一定整得靚!今次仲學識咗製作砵仔糕嘅竅門;而整特飲既冰冰真係好靚,大家有興趣都可以參加。 溫馨提示:入場通行證只係入場券,並唔包括場內需付費設施,如果想玩天鵝船,夾公仔機嘅朋友,亦都可以比較一下農場本身提供嘅任玩套餐! 到底下次爆汗既活動會係咩?我自己都有點期待! 謝謝收看,如果喜歡貓町媽媽的文章或想觀看更多親子玩樂情報,歡迎到訪貓町媽媽的Facebook專頁: <貓町媽媽 親子 玩樂 扮靚日誌> https://www.facebook.com/catdingmama/ 加我IG: catdingmama https://www.instagram.com/catdingmama/?hl=zh-tw #蝶豆花園 #親子好去處 #親親大自然 #農莊 #草泥馬#蝶豆花砵仔糕 #親子興趣班 #travelababies #貓町媽媽親子玩樂扮靚日誌