副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

豆沙媽媽實用文:早產bb番屋企

呢篇其實想寫好耐,咁啱豆沙媽媽的朋友個早產BB就嚟出院,要拿拿聲寫好趕上市!

早產b 出院的準備 又期待又怕受傷害(指呀B) 終於等到佢出院好緊張 到底有咩要準備 心理上 訪問一下經歷初生BB的朋友  早b 出院 就好似一個初生BB 要有心理準備 日喊夜喊 換片餵奶掃風 泵奶洗奶樽 無間循環 爸爸媽媽最長可能只瞓1-2 個鐘已經好奢侈 或者研究定日喊夜喊BB的處理方法 身體上 勸你地係呀b未出院前有得瞓好瞓多啲 增強抵抗力,都係做運動,均衡飲食,早睡早起呢D呀媽係女人ge老生常談 最重要係千其唔好病到,大人病事小, 最怕惹到呀B 事大 人手上 爸爸媽媽要同公司請定假 安排定陪月/工人 或者會唔會有外母或奶奶或親戚嚟幫下手 分配下邊個咩時間做D咩 環境上 呢個最多野搞 Bb床準備好 吹下啲味 洗晒所有bb床用品曬下殺菌 可能要買定空氣清新機,始終早已產BB氣管同肺都較差 夏天要洗晒冷氣隔塵網 冬天要預備定暖氣或暖風機(沖涼一定要) 全屋抹塵 用品上 呀B出院用咩奶樽奶嘴,要買定 飲早產奶粉都要買定 安撫奶嘴,紗巾 枕頭(話說豆沙瞓同一邊瞓足75日,出院時塊面同頭都歪晒,即刻衝去買枕頭(雖然醫生唔建議用)) 如果係帶氧氣機用院,又租機租線,俾氧氣同check 血含氧量, 相關的醫療用品都要ready 醫療上 出院時要問清楚 呀B有無check 眼check耳 有無早產科覆診 有無需要排I位E位S位 有無物理治療/職業治療可以睇下 豆沙有職業治療,我地覺得好有幫助 另外仲有就係要幫BB問定自費的疫苗針 要打去私家到問清楚趕唔趕得切打, 因為有時間限制 同埋一出院就要BOOK定, 要就番BB時間同診所有無存貨 通常自費針係去食輪狀病毒 同 打乙型流感嗜血桿菌疫苗   建議搵屋企就近的兒科醫生,BB唔駛travel 咁遠 埋身vs樽餵 呢個真係要睇BB 咩情況 出咗院想train 佢埋身,就緊係埋身好,埋得多會愈飲愈叻,又幫到上奶,又唔駛洗咁多野,方便又快 但全埋身又怕佢唔記得點用樽飲(始終有一日媽媽要番工(FTM例外)),又唔知佢飲咗幾,又怕佢埋身飲得少 按豆沙媽的經驗,如果一日8餐奶,會分5-6餐埋身 & 2-3餐樽餵,特別夜晚同夜奶會係樽餵,等媽媽可以兩餐夾一餐泵出嚟,多D時間瞓,夜奶可以交俾爸爸或婆婆 而且keep住有泵,就唔怕太耐無泵唔受泵(因為長遠番工又要泵番(FTM例外)) BB出院係好開心的事,但過多幾日就發覺進入換片餵奶掃風洗衫洗奶樽泵奶沖涼無間地獄 仲要擔心佢嘔奶,透氣,個人好崩緊,又唔夠瞓 個人會覺得好沮喪,好似咩都做唔好, 其實唔緊要GA, 因為我地全部都係咁行過嚟 BB慢慢適應到屋企的環境,大人適應到BB的time schedule,上咗軌道就會好好多GA LA. 試諗下大人轉新工新環境都有3 個月試用期啦, 唔好咁心急!爸爸媽媽同BB要加油! 呢篇其實想寫好耐,咁啱豆沙媽媽的朋友個早產BB就嚟出院,要拿拿聲寫好趕上市! 噹噹BB welcome home! 要快高長大呀! K姨姨同豆沙姐姐遲D嚟探你!