副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[親子好去處]離島兩日一夜小旅行X新鮮海鮮餐X南丫島漁民文化

冇得出走,香港一樣咁好玩! 小朋友有得搭船都已經好興奮~先到南丫島索罟灣食海鮮午餐,非常新鮮好味,之後搭幾分鐘船就到漁民文化村~有扒龍船、無鈎釣魚、摸海星、diy工作坊、海上鞦韆、參觀水上人船屋、各種魚類等~仲可以睇埋日落,可以玩足一個下午! 跟住我哋出番去灣仔book咗酒店,間房都幾大!二百幾蚊住一晚咋,第二日再出發去長洲~去沙灘玩左一個下午,行吓食吓好休閒地完結兩日一夜之旅! 影片分享https://youtu.be/1e3z91brHcM 等疫情過後再出發吧~ 我哋喺中環4號碼頭搭渡輪去索罟灣,大約半小時左右就到達!   落船後轉右直行,有幾間食肆同小店 我哋先來食午餐,上網搜尋過呢間天虹海鮮酒家食評唔錯!困咗屋企咁耐梗係要食大餐啦~ 果然無揀錯!真係好好食!我呢個孕婦食得好開心,哈哈   龍蝦伊面、豉椒炒蜆、陳皮鮑魚、茶葉雞 芝士焗帶子、菜心、送的雪糕糯米糍 全部都好好食!非常新鮮~望住風景又舒服,非常減壓!今餐我哋食咗大約$1200左右!物超所值~ 原來喺天虹酒家食飯,仲有免費船送你返出去碼頭!抵呀! 非常滿足嘅午餐!之後我哋就行返出去南丫島漁民文化村,兌換入場券~我哋一早喺官網訂咗飛,有時間同人數限制㗎 之後等職員call船過嚟接我哋,大約坐1分鐘船就到啦!   當日我哋去嘅時段夾埋我哋得五個人,地方都幾大,包場玩⋯! 首先我哋玩餵魚食魚!小朋友好開心,最鍾意餵小動物 大人就玩冇鈎釣魚,都幾高難度喎!要快同好大力先得~ 仲有得玩DIY工作坊,有風鈴或者帆船製作!   呢度仲有隻龍船,可以比小朋友體驗下~撐船打鼓好得意呀!影相打卡都好正~ 仲可以參觀以前水上人嘅船屋,好懷念呢~以前我爺爺嫲嫲都係住呢啲水上屋,細個都有去過所以有啲記憶呢! 最深刻係廁所係直接痾落海度⋯哈哈   文化村入邊有提供洗手間,都整潔的! 我哋入場券包埋嘅小食~ 呢度有少量小食同飲品售賣,另外有南丫島風味食品,魚湯米線、魚柳薯條、蟹粥等呢啲就要預早預訂的! 親親海星體驗!哈哈,第一次零距離接觸,我仔有啲驚⋯唔敢摸⋯ 導賞員介紹一啲海洋動物嘅知識 玩到累仲有鞦韆,望住個海景真係舒服! 睇埋水上人嘅語錄:角板底=腳板底 哈哈!我細個聽得多⋯ 最正仲有日落睇!喺度玩左一個下午~超開心!非常推介嘅親子好去處啊~   記得上網訂飛》我哋直接係官網訂入場門票、另有南丫島風味套餐、魚排活動體驗(鹹魚、鹹柑桔製作等)~ *南丫島漁民文化村* https://www.facebook.com/lammajob/ 跟住我哋出返去灣仔訂咗酒店住一晚,房間好大!二百幾蚊一晚咋! 灣仔88酒店,我哋喺Agoda訂 有牙刷牙膏、沖涼液提供,住一晚呢個價錢唔錯! 晚餐我哋是但落咗樓下茶餐廳食~ 第二日坐船出發去長洲!     同小朋友去沙灘玩左一個下午,玩沙玩水野餐好開心 仔仔仲幫我影咗張靚孕照~ 食埋晚餐我哋就返屋企!揀咗呢間出名招牌蘑菇飯嘅~真係幾好食!好香蘑菇味又多汁! 蘑菇芝士火鍋、三色薯條拼盤! 仲有蘑菇扁意粉,仔仔最鍾意食呢個蘑菇飯!自己食咗三份二碟! 好好食!食到好飽~ *熾工房 (長洲)* 長洲建新里9號地舖   最後行埋去買芒果糯米糍!非常圓滿~ 睇埋靚靚日落~完成兩日一夜離島休閒小旅行~ 等疫情過後再帶小朋友去放鬆吓啦! ———————————— Follow 埋 IG:https://www.instagram.com/chochomamami/ 快啲入群啦!更多親子好去處 親子放電去邊好群組: https://www.facebook.com/groups/623614398242858/?ref=share 100個+親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #4Y #全職媽媽 #親子 #親子放電去邊好 #parentalblogger #hkblogger #好去處 #放電 #室內遊樂場 #親子好去處 #親子遊 #離島#兩日一夜 #小旅行 #南丫島 #長洲 #漁民文化村 #天虹海鮮