副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[親子]飛索X滑草道X滑水梯X手搖船X餵羊仔·禾田喜山種植園

睇返啲舊相同片真係好開心⋯希望疫情快啲過!繼續為大家推介放電去邊好! 呢度全日任玩!超放電~ 有小朋友都玩得嘅飛索,考下膽量!滑草道、腳踏高卡車、彈床、沙池、麻包袋滑梯等!夏天限定嘅消暑滑水梯、涼涼手搖船~仲送埋水耕場導賞,認識香草植物、養蜂箱、餵羊仔~超多嘢玩!玩到人哋關門都唔捨得走… 影片分享 我哋早上喺上水搭55K小巴係塘肚村落車,大約30分鐘內到達 門口有職員帶領大約行幾分鐘就到 入口處就係車場,踩返兩圈先!呢款氹氹轉踩單車好得意,幾好玩呀! 仲有高卡車、三輪車、家庭車等選擇~   跟住去玩滑草,原來速度唔係好快,小朋友都啱玩!大人就唔夠刺激啦~哈哈! 我哋嘅全日任玩套票係包埋兩次飛索,小朋友挑戰下膽量先! 嘩!好玩呀~大人都玩得㗎~可惜我大肚冇份~ 夏天熱辣辣,梗係要玩下夏天限定嘅水上活動囉! 呢個滑水梯好好玩啊!見到都爽~有得玩水記得帶多套衫嚟換啊~ 玩到累嘆番支冰條先!或者可以自己帶食物入嚟都得~ 呢度有得代訂午餐或者加購燒烤套餐,有小食部,有杯麵燒賣等~都好方便! 仲有清熱解毒嘅叁和茶售賣,洗手間都清潔乾淨的~ 休息一陣繼續玩! 小朋友跳唔攰嘅跳彈床! 我哋嘅全日任玩套票有送水耕場導賞,認識香草植物 養蜂箱,仲見到紅蜻蜓添~ 小朋友最愛親親小動物,餵羊仔 咁啱有隻出世幾個月嘅羊BB,好可愛啊! 完成導賞團繼續去放電! 喺樹陰下玩呢款鞦韆~真係好舒服!小朋友開心到哈哈笑~   仲有沙池、攀石牆同滑板滑梯~ 當日我哋去玩唔覺有蚊蟲咬,不過都要做好防蚊措施啊!同埋防曬! 玩到熱晒!最後玩埋個涼涼手搖船涼下先~ 小朋友大人都玩得㗎~ 呢度一家大細都啱玩!大家一齊放電好開心~而且都幾多嘢玩,我地朝早玩到人哋關門小朋友都唔夠⋯⋯哈哈!太耐冇出去玩過吧,玩到唔捨得走~等疫情過咗再一齊去放電啦! 禾田喜山種植園–全日任玩套票,我係Travelababies 訂飛 :https://bit.ly/3hLTpp6   營業時間:星期六、日10:30 – 16:30 地址:新界沙頭角塘肚村 前往方法: 1. 専線小巴55k (上⽔火車站旁⼩巴總站) 2. 巴⼠ 78k (上⽔火車站) ———————————— Follow 埋 IG:https://www.instagram.com/chochomamami/ 快啲入群啦!更多親子好去處》〉 親子放電去邊好群組: https://www.facebook.com/groups/623614398242858/?ref=share 100個+親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #4Y #全職媽媽 #親子 #親子放電去邊好 #parentalblogger #hkblogger #好去處 #放電 #遊樂場 #親子好去處 #親子遊 #戶外 #農莊 #Travelababies