以前唔鐘意填色嘅Leanna係抗疫期間竟然愛上咗填色，仲成日畫火柴人係度剪剪貼貼啲裙俾佢地著.問佢有無興趣學畫畫佢話有！好啦～我就係屋企附近物色吓啲畫室。 路經Mushroomland 畫室我係俾佢colourful 嘅門面吸引,了解完課程就決定俾Leanna試堂！ 放學接佢見到佢人生第一幅畫作係完全唔相信佢畫.我仲反問老師真係佢畫. 係媽媽心目中畫得唔錯！佢話佢想繼續學畫畫就繼續俾佢學！ 作為媽媽，我鍾意Mushroomland畫室 首先係小班教學，一位老師教兩位小朋友非常好！ 我都好鍾意佢嘅教學方式，老師先示範然後學生再跟住畫。畫得唔靚唔緊要，要小朋友嘗試自己畫。 我好欣賞老師教每幅畫作都會運用好多唔同元素例如指紋、棉花棒、閃粉、廁紙筒令小朋友覺得創作係生動好玩！每幅畫作唔係純粹就咁畫咁簡單，係會運用剪剪貼貼方式創作成立體嘅作品.當然最重要老師係好有耐性教Leanna,見佢每星期咁期待上堂媽媽我都好開心. Mushroomland HK - Creative Art 地址：屯門碼頭啟豐商場1C