副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

波仔親試 MultiH® 納米纖維幼童口罩

今日波仔要同大家介紹下大名鼎鼎嘅MultiH® 納米纖維幼童口罩,我諗有追開口罩博士K Kwong嘅朋友都唔陌生喇,MultiH 嘅 Nanofilter 係年初剛剛爆肺炎嗰陣推出嘅產品,又即是全城都買唔到口罩嗰陣。而家多咗本地薑生產口罩,不過質素呢?講真好多都唔係咁清楚...最近仲有啲比人發現入面有昆蟲嘅屍體碎片,都咪話唔驚... 我就唔係話因為明星效應有K Kwong加持所以先話MultiH好嘅。Nanofilter本身用嚟過濾PM2.5係有用嘅,例如金黃色葡萄球菌、大腸桿菌、一般灰塵、花粉、煙霧、甲醛、其他致敏原呢啲。同過濾病毒嘅原理都係差唔多,主要係靠物理阻隔。Nanofilter 納米纖維非常之精密,所以可以trap住好微細嘅分子。 比起傳統三層口罩,nano filter比較透氣,不含玻璃纖維、合成乳膠、納米金屬呢啲嘢(即係銅芯口罩嗰啲...)佢一樣都防水,質地堅韌,雖然佢望落去得一層,但你可以撕下佢,你會發現唔容易撕開㗎! 個剪裁幾立體,唔需要特登加口罩套,可以單用。佢本身已經BFE/PFE/VFE≥ 95%,即係有效阻隔及過濾細菌、懸浮微粒小至0.1微米。 一包MultiH® 納米纖維幼童口罩有5個口罩,同埋幾條矽膠耳繩,安裝容易。點解要特登加耳繩呢?原來佢係比你配唔同長度嘅耳繩去fit唔同面形。口罩default係配17cm呢隻,適合一般2~4歲嘅小朋友。想要長啲短啲嘅耳繩?我見MultiH官網而家都好似冇貨,咁可能就要DIY一下喇。實測,係貼面嘅,同埋應該真係冇咁焗,因為自從比波仔試咗MultiH® 納米纖維幼童口罩之後,佢就唔再帶返之前過隻牌子喇(都係日本嘢嚟㗎!)介紹下呢隻比大家都參考下先,去官網買啦:   https://www.multihhk.com/ https://www.facebook.com/MultiHhk/   **產品/產品資料由品牌提供,真心分享。歡迎電郵查詢。 ngayiellie@gmail.com http://www.facebook.com/popcornellie http://instagram.com/popcornellie http://popcorn-express.tumblr.com