仲記得第一胎用咗15個鐘先生到，聞哂氣用盡力都係開得一兩度⋯好多人話第二胎會快好多！果然真係勁快，今次用咗六個鐘咋！ 早兩日係哥哥生日呢，同佢慶祝埋先生～同妹妹差兩日咋！ 呢兩日已經開始有好多分泌物，一嚿嚿黏液啫喱狀嘅，到38周4日，凌晨一點左右俾啲經痛感覺痛醒咗，起身去廁所但係未見紅，三點去廁所見紅喇！就好似來經咁有啲紅色血水，呢個時候我開始計時，開始有陣痛，已經8分鐘有一次陣痛～ 起身梳洗準備好諗住捱到朝早食埋早餐就叫老公去醫院，但係去到五點左右，已經5分鐘一次陣痛⋯心諗咁快嘅頂唔順啦！即刻叫醒老公準備～同埋叫奶奶過嚟幫手睇住大仔！ 六點半左右出發去醫院，出發前頭先食嘅早餐嘔晒出嚟⋯跟住陣痛個1分鐘係痛行唔到㗎，所以老公識做啲千祈唔好催個孕婦！痛完趁嗰幾分鐘就行到㗎啦～哈哈！ 去到威爾斯醫院7點幾，因為疫情關係，其他人冇得入房探訪同陪產，要喺出邊等啦！老公就去搞入院手續文件，我就入去磅重換衫，填健康申報表，跟住就上病床，姑娘一睇已經開咗兩度了～勁想屙屎嘅感覺⋯因為疫情關係冇得聞氣啦⋯清清醒醒感受痛楚！呢個時候有人幫我種豆，勁痛囉！吉到腫晒⋯ 開到四度就入產房啦！我睇一睇產房個鐘，話咁快8:30就可以入產房，屙咗幾次之後就穿水啦！呢下真係痛到痴線！聽到隔離左右啲產婦都嗌到傻咗⋯穿水之後開得勁快，屙咗幾次9:03就生咗啦！   因為冇剪會陰，自然順產，有少少傷口所以有聯針，跟住喺產房觀察兩個鐘冇事就可以上產後病房！期間攬住BB俾佢埋身，吮得勁大力！叻女！老公喺出邊等咗咁耐上病房嘅時候終於見到我哋一面～因為冇得探病，如果要買嘢食叫老公買完交低比姑娘就得啦～   ????Follow 埋 IG:https://www.instagram.com/chochomamami/ https://www.facebook.com/chochomamami/ 快啲入群啦！更多親子好去處???? ⚡️親子放電去邊好⚡️群組???????? https://www.facebook.com/groups/623614398242858/?ref=share   ????‍????‍????‍????100個＋親子好去處(不定時更新) https://www.facebook.com/1028553953955138/posts/1436213656522497?sfns=mo