今晚煮飯，我煮咗蜜盧卡蜂蜜雞翼(之前有介紹過蜂蜜)同冬菇瑤柱海鮮豆苗水菜煲，我煮飯時間中會望下仔仔喺度搞乜，佢都幾乖同狗狗毛公仔喺度玩，見到真係悶，唔知道低班的幼稚園幾時有得上堂？我仔好鍾意食蜜糖雞翼。 呢個冰鮮雞翼都係用普通材料去醃有少少黑椒、香草粉、雞粉、糖、美極、好少的鹽、麻油、生粉，都醃咗一日，所以都幾入味，不過鹽要減，否則又鹹又甜會好怪。 醃好的雞翼放入焗爐度焗到就快熟嘅時候，幫佢塗一層蜜糖反一反再焗，令佢變成古銅色肌膚，熟曬雞翼會縮水，就開鑊把蜂蜜及少少糖和雞翼快撈勻，即係你想加黑芝麻(之前要炒香)、沙爹醬、麻辣醬、咖喱醬、鹹蛋黃又得，想食玫瑰花水溝蜜糖雞翼就加入撈，記住用小火否則蜜糖的營養就沒有了。 至於個日本水菜，我在Donki超級市場就買了，好爽口，好多謝媽咪捨得買咁貴的乾瑤柱和冬菇給我，我從來都唔捨得買。呢個菜真係好簡單，倒水入雞湯加包豉醬湯包，不加鹽，放入菜然後把其他材料放入去焗一陣就飯得了，埋蠔油芡嗰陣時記住要用乾瑤柱浸的水，噉就會好入味，平時有時候會加埋粉絲的，可以不煲飯。 #食好D #焗 #焗爐 #雞翼 #蜜盧卡蜂蜜 #蜜糖 #入味 #食譜 #瑤柱 #冬菇 #水菜 #灼菜 #懶人廚房 #撈 #快靚正 #簡單菜式 #人人都識 #晚餐 #開飯了 #好滋味 #食譜 #家庭主婦 #香港媽媽 #用心分享 #家常小菜 #foodblogger #homemadedinner #hkfoodie #hkfood