副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

28+4weeks

好快黎到28+4

好快黎到28+4   上兩星期嘅糖水測試pass! 一路以黎都冇因為雙胞胎而特別食好多, 一黎食唔落好飽 二黎佢地頂住晒,真係吞都吞唔落 28週係威爾斯照超聲波 雖然冇糖尿,但兩隻b由中碼變左中大碼???? 醫生叫我控制食量同要每日行半個鐘 本來已經唔係食特別多嘅我....點算好呢?   另一方面,回帶返26週嘅時候 私家照到胎水太多 正常應該大約5cm左右 但當時26週嘅我有成9-10cm 由於水太多,太重令到宮頸一下子由3.7縮到2.5 醫生叫我要盡量訓,希望唔好再加重宮頸壓力直到起碼過28週安全啲 所以除左去廁所同食野,我只會行少量嘅路 大女送返學嘅任務暫時由老公同婆婆幫手 飲食亦都好清淡,因為當時糖水測試未做 擔心糖尿令胎水過多bb又過大 好好彩,兩個星期安胎之後糖尿又冇問題,胎水都冇問題 黎到28+4,兩隻b都有2.7-2.9磅 預計出世會係6磅左右一個 屬於雙胞胎入面嘅大隻仔 而我到現時為止重左9kg左右 你地要繼續乖乖地成長 家姐同爸爸媽媽好期待同你地玩☺️ 28週嘅肚 大約係大女出世時嘅大細 好重好重