上次分享左軒軒在家戒片嘅情況：https://mamibuy.com.hk/talk/article/84872   今次再分享下外出戒片嘅情況     起初其實老公都擔心如果軒軒突然要vv，但附近又無洗手間或者坐緊車，咁點算好？ 我相信呢個都係好多父母一開始幫小朋友戒片其中一個比較擔心嘅問題。 但我就認為無理由因為怕發生呢種情況就keep住著拉拉褲出街，而且遲早都要面對呢件事，所以我地就由去軒晞太婆屋企嘗試第一次!     去太婆屋企好近，搭火車只係一個站，搭巴士大概半小時。 因為我地比較中意搭巴士，所以挑戰下 出門前先去一次vv，同時講清楚俾佢知一陣搭車無洗手間，如果真係忍唔住要出聲。 離開太婆屋企前又同樣叫佢vv左先， 又再次提醒佢搭車冇洗手間， 忍唔住想vv要出聲講。 當然呢次出街順利唔需要著片     然後第二次， 就係去啲比較大型嘅商場， 洗手間乾淨啲或者有親子廁所，周不時問下佢要唔要去廁所，成功外出四小時無著片     慢慢就發展到去幾耐街都冇問題啦 當然真係有試過搭車期間佢話急vv， 我哋就快快手同佢換返條拉拉褲， so far都係試過一次姐。     而無論在家/在街，軒軒午睡時都已經可以著住底褲仔訓，有次係屋企仲叻豬到訓訓下起身話急vv，去完廁所之後再瞓返 3y1m的他，剩下夜晚訓過夜條片未戒，唔知適當時機會幾時黎呢     至於呵便便，佢係今個月先可以係馬桶度解決，之前一直見到啲拉拉褲擺咗喺度，佢又好醒目地每次想屙便便就拎一條叫我地幫佢著???? 所以我就嘗試一下收埋所有拉拉褲唔放出嚟 再同佢講：無哂拉拉褲啦，下次去便便時要去馬桶度呵啦。 我只係提過一次， 到第二日佢真係要想便便嘅時候再重複， 竟然好順攤肯同我入去廁所，咁就成功了     喺 戒片呢條路上面， 最重要係千祈唔好強迫， 好似拍拖咁， timing 係最重要， timing唔啱嘅話， 迫都迫唔到 因為小朋友未ready就係未ready。 而喺整個戒片過程，我從不講任何負面說話e.g. 瀨尿醜死怪， 咁冇用㗎…… 因為咁樣講會令到佢哋心理上會好唔開心！ 以為咁樣可以令佢哋快啲成功戒到？ 咁諗就錯喇！ 反而可能會令到佢哋對呢件事抗拒咗反感咗 要記得時常讚美佢， 不要吝嗇！不論大人或小朋友， 其實人人都喜歡被別人讚賞呢                     產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]