其實我懷孕時及生產後有時情緒不太好，容易感到心煩。面對長輩的一些說話特別敏感，真的不太喜歡聽到一些說話而影響心情。   1）我第二胎決定開刀，於是被問及「你點解唔試左順產先呀？」 我覺得我有第一胎經驗而第二胎選擇開刀，是因為我經歷不了陣痛的階段。雖然我第一胎沒有太大經歷，但我真的很害怕第二胎沒有無痛分娩（我覺得自己直覺幾準，我2個朋友公立醫院生最終安排不到無痛分娩）加上我上胎已經不夠氣力生，仔仔需要吸出來。我就是覺得開刀在預期之內，感覺安心，所以不試順產。所以決定那種生產方式媽媽最清楚，不要覺得順產是最好最合適。   2）生第一胎，我真的害怕，決定爭取打無痛針。於是回應是「唔好打無痛，會腰骨痛，我地果時未又係咩都冇打生小朋友。」 你忍到痛你既事，每人承受力唔同。依家科技先進發達，就是覺得有需要先研發無痛分娩。我覺得打左安心，同埋我打完我同仔仔都暫時沒後遺症。打後真的減卻痛楚，唔打反而我覺得會後悔。   3）「餵人奶好呀，係啦，餵人奶啦，對BB好」 我覺得餵不餵人奶要睇奶量、狀態、心情。寶寶是媽媽生出來，只有媽媽有話事權給寶寶喝人奶還是奶粉。旁人還不清楚媽媽狀態不應評論。你集中在人奶對寶寶好，有想過媽媽狀態是否合適嗎？   4）「食多點芝麻糊，寶寶頭髮黑及濃密，亦有助生產」 由於我38-39週仔仔還沒動靜，於是被催迫買芝麻糊吃。其實我覺得讓他自自然然要出來就出來，最後我還是催生。我覺得催生也很不錯。吃不吃也是孕媽媽自己選擇，迫不來的喔！   5）對住BB講「叫我呀！叫xx（長輩稱謂）呀！」 其實BB太細個未識講野，即使大一點，媽媽都未識叫的時候，唔係好想佢識叫你先囉！   6）「唔好請工人姐姐/陪月啦！等我(長輩）黎啦！」 其實照顧產婦唔容易，加上長輩湊孩子方法未必符合自己心目中的要求。如果有能力聘請外人幫忙，不要不斷希望自己幫忙照顧。因為產婦心情會波動，容易抑鬱，相處不來就不好。如果有心找您幫忙，就會跟您說。陪月及姐姐可聽從自己意見，但長輩不會，所以才不想勞煩長輩。   7）「BB凍呀！比多張被仔佢蓋住啦！」 成日都怕寶寶凍，我只相信探溫計。適當衣著就可以了！   8）「BB成日喊？驚呀！比米袋佢紮住」 呢個方法我知道仍有人沿用，但對於我地偏向邏輯一點的家庭來說不太接受。點解米袋可定驚我還是不知道原因。傳統有傳統做法，不要覺得每人都要跟傳統做法走。