搬屋之後我哋開始自駕代步， 出出入入都會揸車， 所以最近經常留意車用產品， 一來想美化，二來想強大車內設施。 其中車內嘅空氣質素都係我哋關注之一， 呢部Airgle出品嘅AG25， 個人•車用空氣清新機， 就好啱我哋放喺車入面使用。   因為疫情仍然持續， 殺菌及防病毒當然放首位， 加上車廂內亦充滿各式各樣嘅污染物， 例如馬路廢氣、冷氣濾網吹出來的細菌、 霉菌、灰塵及塵蟎等； 如果吸入都會容易誘發我哋嘅鼻敏感， 有時買咗餸上車，又或阿囡要食嘢， 亦會有一陣味道， 唔好以為呢部AG25機身細小就無效果， 其實佢有身附強大嘅多重過濾技術， 可以淨化個人空間或車廂內嘅空氣。     令Airgle AG25 達到高性能嘅過濾級別， 係因為佢配備了H14級cHEPA及活性碳過濾技術， 能去除99.999%小至0.003微米有害微粒， 當中包括PM2.5、煙霧、過敏原、異味、 甲醛及揮發性有機化合物(VOC)等； 而且佢仲獨有美國專利Titanium Pro殺菌組件， 由於表面塗咗二氧化鈦 (光觸媒)， 因此能殺滅99.95%細菌及分解有害氣體。 而呢種利用cHEPA過濾及光觸媒UV嘅雙重技術， 於光催化作用下會將污染物轉化成無害物質， 有效過濾空氣同時殺毒，對抗傳染疾感染， 就算身處個人空間或車廂內， 都可以呼吸到潔淨健康嘅空氣。     如果有車嘅朋友都會留意到， 我哋每次返上車嘅時候， 車內空氣都會好焗更可能有異味， 不過AG25就解決到呢個問題， 因為佢設有一個「自動延長淨化」功能， 當停車熄匙後， AG25仍會繼續運作一段時間先自動關閉， 等車廂可以保持潔淨空氣。   Airgle AG25另一個優點， 就係機身輕巧又易操作， 基本接駁好電源，按背部開關掣後， 就可以輕觸式控制，更設有兩段風速。         如果喺車入面使用， 就可以接駁跟機嘅12V汽車煙頭充電器， 機身亦會跟隨引擎自動啟動，唔洗每次開關。     AG25亦備有座椅背帶， 可將機身掛於座位背部，非常慳位， 而且四邊圓角係好貼心嘅防撞設計， 用於車箱內都可以避免因撞擊意外受傷。       更換濾網只需按一下就可以了整個拉出， 機頂亦設有指示燈，當濾網壽命已到， 指示燈會閃爍及發出「叮叮」聲提示更換。       Airgle AG25同時內置智能高溫保護裝置，當室內溫度高於45°C時， 以及當電壓低於12V時， 機器會自動切換至待機狀態並停止運作； 當溫度回復正常，機器會重啟運作， 不論於室內或車內使用時， 都會令我好放心。 ​ 有興趣了解更多Airgle AG25「個人 • 車用」空氣清新機，可以睇呢到 論壇地址：forum.php?mod=viewthread&tid=890939