每次產檢，我都好期待，因為可以聽到少少既心跳聲，而哩啲聲音，係全世界最好聽既聲音。 今日又到左產檢既日子，第一次係下午既時間，終於可以訓晏啲啦。 去到醫院後，都係一般既程序，登記，度高，磅重，量血壓。我又重左2公斤啦，成個懷孕既過程到而家，我重左6公斤，會唔會太多丫！！ 今日見醫生，都係閒聊幾句，但由於上次有啲情緒問題，佢地擔心我有產前抑鬱，所以問多左哩方面既野。例如「你訓唔訓到教？」「訓得好唔好」等等。 之後就到左我最期待既環節，聽少少心跳啦，因為老公要返工，所以每次我都叫老公唔洗陪我，我自己去產檢，跟住就錄得少少既心跳俾我老公聽，今次都唔例外。老公一聽到，就笑到見牙唔見眼，名正言順：「爸爸的愛」 下次產檢就係4個星期後，終於可以照超聲波啦，又可以見到少少啦，我同老公都好期待。不過睇怕我要好好控制下磅數，因為醫生話懷孕期間大概重15公斤左右，到懷孕後期，磅數會升得仲快。我差唔多7個月，就重左6公斤，睇怕要好好控制食量同要開始去散下步啦⋯⋯