副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

壞情緒

壞情緒,總好似小偷咁,靜靜雞咁出現係你既生活裏面。冇任何先兆,冇同你預約,靜悄悄咁入侵你既生命,影響你既生活。

壞情緒,總好似小偷咁,靜靜雞咁出現係你既生活裏面。冇任何先兆,冇同你預約,靜悄悄咁入侵你既生命,影響你既生活。 尋日老公唔舒服,好早就訓左,而我亦都係睇完電視後,入房準備訓教。但好景不常,我係床上足足一個鐘,都訓唔著。就係哩個時候,壞情緒係毫無預兆既情況下,黎左探望我。 我嘗試諗一啲開心既野,用手機睇一啲bb野,但一啲用都冇。因為係個一刻,我腦海裏面浮現既都係一啲加深我壓力既野。例如冇得返工啦,我就冇得令到自己好忙;又例如經濟上既問題啦,怕俾唔到安穩既生活俾少少。就係咁樣,諗下諗下,眼淚就流左出黎。個種感覺係空虛,無助,唔知可以點做。 可能老公感覺到,佢突然醒左問我咩事,仲安慰我,哄我訓,我先慢慢平復心情,訓到教。 我係一個樂觀既人,從來都冇諗過懷孕後,情緒會咁反覆無常。可能係因為突如其來既打擊,冇左份工,冇左寄託,冇左發奮既目標,一時之間變得好無奈,無助。 但無論發生咩事,人都要樂觀面對。壞情緒係會好似小偷咁,偷偷進入你既生活,但你要記住你有更重要既人同事,令你生存落去,令你為佢地發奮,所以無論點都好,都要打敗哩種唔好既感覺!