副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

竹媽孕記

當一個大肚婆去到36週以上,會做咩?

當一個大肚婆去到36週以上,會做咩? ✅約friend去afternoon tea? ✅瘋狂shopping買bb野? ✅放緊產假瘋狂補眠? 以上可能都係,但最緊要既應該係執定「走佬袋」,萬一有乜依郁,都可以即時擸袋走???? 竹媽綜合左上一胎既經驗,今胎寫左個政府vs私家醫院嘅走佬袋清單,希望幫到第一胎既媽媽執個拎得郁既走佬袋,唔係一個拖都唔郁既走佬喼啦,走佬袋啲野都幾大件,所以拎個handcarry size既旅行袋都好夠 有需要清晰版既走佬袋清單可以到我既Facebook page pm我 入院篇 其實政府醫院要預備既野一定比私家多少少,但市面(e.g. 護協,Aeon,一田,醫院復康店)都會有產婦走佬袋賣,包左網褲、床墊、產婦衛生巾同沖洗瓶,數量都夠4日3夜(開刀)/3日2夜(順產),所以成袋放入旅行袋就安心喇!我就一落得床就自己去廁所換安睡褲,感覺好似安心啲,無咁驚漏到一床都係 準媽媽必備迷你套裝     瑪麗醫院專用產婦入院套裝 ⭐️最重要一定要帶就梗係身分證同爸爸身分證啦,仲有產前覆診卡,醫生寫既信⋯⋯⋯⭐️ 以家疫情關係,無論政府醫院定私家醫院最緊要都一定要帶既就係口罩、搓手液同消毒濕紙巾,只少要消毒雙手先可以抱b餵奶啦   出院篇 另外係媽媽同bb既出院用品,就出院訓前一日先請屋企人拎到醫院,再換走啲污糟衫褲或者唔再用既野,咁出院果日就可輕便一啲   帶定頭盔先!竹媽提議帶啲咩同數量用幾多其實好個人,無話我個走佬袋清單最好最岩用既,純粹比新手媽媽一個參考,因應自己需要去調整下,希望幫再媽媽們執個拎得郁既走佬袋啦!     ——————————————⠀⠀ ❣️IG : www.instagram.com/tamsiumoon⠀ ❣️Fb: www.facebook.com/tamsiumoon0521 ⠀ ⠀ ⠀⠀ #山竹媽X竹竹日誌 #新手媽媽 #竹竹 #育兒日誌 #二寶媽 #孕媽媽 #孕媽咪 ⠀⠀ #加固心得 #母乳餵哺