副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

細聽孩子心底話 我要做個好媽媽

[我想了解綿綿多d? 我要學做一個好媽媽!]

[我想了解綿綿多d? 我要學做一個好媽媽!] #細聽孩子心底話 相信好多家長都會有一個弊病,就是只顧如何將小朋友教育成好為孩子,但重來無諗過要將自已變成一個 #好爸爸 #好媽媽! 呢個問題好多家長都會忽略,包括我自已在內。 最近買了【簡約教養 x Grateful Kids】推出既一套卡 【#童心說】,發現呢套卡好值得推薦,用法除了可以幫助小朋友既表達方式外,仲可以用來警剔家長們忽略既事情及幫助控制自已情緒,更開心係可以增加親子互動關係。所以好想同大家分享呢套卡,希望做緊爸爸媽媽既你都能用得著! 呢套卡【童心說】一共有18款主題公仔圖像卡,另外有7張空白既卡,方便小朋友畫上自已既需要,每張卡背面都會有約定協議期限填寫及家長簽署位置,另外包裝盒背後也有提及參考玩法。 用法希望鼓勵家長以情境故事方式去講述給孩子知道每一張卡既意義及功能性。可以叫小朋友選出自已喜愛既卡,透過角式扮演遊戲方法,令孩子在有需要時,清楚明白如何正確運用手上既 [童心說] 卡, 當家長收到孩子出示既卡, 在正確使用情況下,父母當然要履行承諾啦,必要時可以填上期限及簽署作實。呢款卡係可以幫到大人了解小朋友,而且可以增進大家感情。 究竟有邊18款卡?點樣用呢?有什麼作用呢? #抱抱卡: 其實小朋友一定喜歡被爸媽抱抱,有時可能太忙,真係會忽略抱抱呢個動作,當我收到呢張卡後,我真係會好好珍惜及多抱抱綿綿既時候架 #陪伴卡: 其實有時小朋友好需要父母陪伴,呢張卡可以提醒父母放下手機,陪伴自已孩子呀 #不罵卡: 有時我自已會好惡好嬲罵綿綿,但當綿綿知道我生氣,佢就會出示呢張卡,我即時深呼吸及冷靜落來,原來真係有幫助架 #陪玩卡 小朋友都希望爸媽陪伴一齊玩,先會更開心,當我收到綿綿呢張卡,就會提醒自已,要陪佢一齊玩,而不是比玩具佢自已玩 #温柔卡 當綿綿比呢張卡我時, 我就會突然變得好温柔同佢溝通,原來真係好work, 即時變左好媽媽既感覺 #變身卡 圖畫入面有一隻怪獸媽媽及一位天使媽媽,通常係我生氣時會收到,當我收到綿綿呢張卡, 即刻做番天使,不會讓自已生氣 #說故事卡 綿綿好喜歡我同佢講故事架,所以我成日收到佢呢張卡,而呢張咭係無限任佢用架 #心願卡 除了大人有心願,其實小朋友一樣都有心願。例如我想去遊樂場、我想食雪糕、我想買玩具、我想睇電視等等,都可能係小朋友心願之一。當小朋友乖既時候,我地都可以接受孩子呢張卡,如果要求不過份,都可以幫助佢地達成小願望架,見到自已孩子開心,做爸媽同樣都會開心 #原諒卡 小朋友有時做錯事,懂得說對不起時,同時也需要人原諒。所以當綿綿出示呢張咭時,都希望得到媽媽原諒,其實呢張卡都可以幫到雙方關係更加好 #聆聽卡 其實小朋友真係有好多心底話想同爸媽講,所以當父母收到呢張卡,就會懂得停一停,靜落來聽自已孩子心底話,了解更多 #不打卡 暫時我未收過呢張卡,不過我覺得呢張卡可以提醒家長不要用打既方法對待小朋友,其實還可以用其他方法教導的 #關愛卡 呢張卡可以提醒爸媽要多關心及支持自已孩子,好多時忙真係會忽略呢點架 #不罰卡 小朋友做錯事,都好怕被罰。呢張卡要話比家長知,孩子知錯,希望比機會佢改過。所以呢張卡要set 有期限, 等小朋友知道唔係次次都有機會用的 #按摩卡 幫小朋友按摩,係一種好好既親子方式,有時孩子都希望好似bb一樣被爸媽按摩架 #休息卡 小朋友活躍極都會有累既時候, 當媽媽收到呢張卡,就知道需要比適當空間孩子休息喇 #陪睡卡 小朋友好喜歡爸媽陪住一齊瞓,相信呢張卡好大機會日日都收到呀 #獨處卡 有時小朋友會想自已一個人靜一靜既空間,所以當爸媽收到呢張卡時,就唔好騷擾孩子喇 #二人世界卡 我諗有部份家庭屋企可能有2個或以上既小朋友,所以可能好小機會與爸媽有二人世界既時候,當其中一個孩子有呢個想法,就可以嘗試出示呢張卡喇 暫時綿綿得2歲半,可能未完全懂得運用所有卡, 不過我就成日收到佢既抱抱卡、陪玩卡、温柔卡、變身卡、原諒卡及說故事卡。我最喜歡就係收到抱抱卡喇! 因為好想將所有卡既用意解釋比大家知, 所以別怪我寫得長氣,我記得買個時係只是 $68, 應該用到綿綿8歲都仍然有效,其實無諗過簡單一套卡會有咁多用處,幫到我了解綿綿及提醒自已要成為一個好媽媽!有興趣都不妨買套送比小朋友,了解佢地多d啦~ 總結: 爸媽不要只忙住自已事情,記得要多用時間去細聽孩子心底話呀! 歡迎隨時follow"綿綿媽媽"的足跡: https://www.mamibuy.com.hk/home/13092 https://wow.esdlife.com/sukimama http://mami.presslogic.com/author/suki/ #綿綿媽媽 #綿綿bb #媽媽分享 #育兒分享 #新手媽媽 #簡約教養 #GratefulKids #育兒卡