副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

《驗眼體驗分享》覆診編

半年前分享過~檸媽帶左檸b去石硤尾的 盲人輔導會 驗眼~因為在 學前兒童視力檢查之後 想詳細d驗下    好感恩有去驗眼 因為算及早發現檸b 有需要用眼鏡幫 助視力發展~(下面再詳細講) 有興趣的朋友可重溫我的分享:https://www.facebook.com/lemonkcal/posts/1831106517039384   今次覆診呢 發現係唔會有短訊/whatsapp提醒的 所以要自己mark好日曆呀 星期六真係比較多人 所以等的時間比較耐 G/f 大堂有d 關於視障人士主題的圖畫小冊子可以取閱 我同檸妹睇來解下悶都幾好 睇完醫生可以去G/f 配鏡部 取小禮物 (簿仔同凸字鎖扣) 照舊 半年內的星期六都滿了 上次有媽媽問過眼底水~係有眼底水 驗的 不過有需要才會做,今次檸b做左,4小時內會老花咁同有d怕光   講番今次覆診  小朋友出世就係 眼球細,由遠視開始 慢慢變成正常  唔保養好就會轉化為近視   小朋友長大了 表達比較清楚 起驗眼時 就比較驗的真 今次半年覆診就係睇下發現檸b 2隻眼仔視力有差距~ 睇下發展成點    結果左眼 無發展,反而 右眼仲發展左,差距就仲大左,je係有弱視傾向 。如果唔理,可能會因為長期習慣用清楚的右眼,令佢太辛苦,變成單邊近視眼。   真係唔驗都唔知 檸b 左眼同右眼分別睇到的字相差近一倍平日真係無諗到 ....十行的驗眼表 左眼讀到第四行已經蒙   視光師好細心幫檸b 用眼鏡加鏡片仔做調整 再不厭其煩問佢好多次 「有無清楚左呀 邊個好d呀  ?」咁定左一個度數俾我地去配眼鏡,3個月後再覆診。   最後我地無起樓下配眼鏡(樓下都好好 好多牌子同小朋友款)~不過因為唔係住附近~都係番荃灣配了 行左幾間~發現有一間做緊學生優惠 #免費 升級 #抗藍光鏡片 ~最後鏡架連鏡片 唔洗400 蚊。(之前大部分店都係另外加錢升級~這間店無優惠就要約300蚊,另外見到一間就要加約$200) 當然我地揀的係價錢實惠的普通牌子鏡架 ~廢事開頭戴唔慣會唔見/整爛 而可以升級抗藍光 感覺更好,保護眼睛嘛    想知邊間可以facebook pm問我~唔係廣告純分享~唔保証最抵架   希望幫助到檸b 視力發展,懶懶眼要追番,辛苦眼唔好近視  清清楚楚 第日無眼鏡都得             ------------ 以email聯絡檸媽 : snowsnowlam@gmail.com 也歡迎在fb inbox 我~ 檸檬頭 Facebook專頁: https://www.facebook.com/lemonkcal/