同老公結婚拍拖13年大家都係大學時相識, 有個3歲大小朋友。 自從有咗小朋友之後大家相處拗撬多咗性生活都少咗。
最近我發現老公嘅手機對話同另一名單身女性朋友近呢大半年， 雖然佢哋係以兄妹相稱亦都係工作上的合作夥伴， 但係佢哋經常見面， 會相約食早餐午餐晚餐或宵夜送外賣，會放假相約去行山、郊遊，亦都會 一齊參加陶瓷班，我老公亦都會車佢返屋企，個女性朋友亦都有次叫我老公上去屋企食飯。 佢哋日日都會whatsapp 傾公事及私事亦都會互相關心大家。

我老公話佢哋係好好傾得埋嘅朋友， 我問我老公可唔可以同佢唔好有咁多私下約會，佢唔肯覺得我幹擾緊佢交友， 因為佢覺得佢哋冇嘢， 但我嗰刻唔信， 覺得佢哋之間好曖昧。 所以我自己send message畀個女仔叫佢唔好私下同我老公約會保持返距離。 我老公知道我message個女仔之後佢好嬲我哋關係陷入谷底。 佢亦都有怪責我點解要咁做唔相信佢。就呢件事既爆發同埋日積月累夫妻相處之間觸發有離婚嘅念頭。雖然我哋而家有嘗試修補番夫妻關係，但我仍然知道佢 keep住同嗰個女仔有聯絡，我應該點做好， 係咪要去到離婚呢一步？ 求jm 畀啲意見

2021/04/07     277

關鍵字：老公有個聲稱紅顏知己

小圈圈： 女人聊天