1m•2feb2｜Beryland

1m • 2feb2018
非非出生時不足5磅，是個超級迷你b，由出院的第一晚開始我成功由全奶粉轉為全埋身人奶放題，但呢條人奶路並唔容易，當中經歷過乳頭混淆，乳頭損哂結痂痛到標眼水，乳頭24小時都有被針吉的刺痛感，邊啜子宮邊收縮的劇痛，每日睡眠時間加埋不足5小時，雖然辛苦，但非非體重仍然有上上落落，一直達唔到生長線，不過我堅持不補粉，因為我相信神是有供應的，差不多一個月非非雖然仍是個迷你b，所有newborn衣服仍然不合身，大咗兩個碼，但終於追到家姐出生時的磅數啦，不枉我每日掛住你係心口人奶放題+晚晚90度坐係床抱著你整晚不斷重複的餵奶換片。