做人媽媽好艱難，做人媳婦好艱苦！我真係想快點離開呢個鬼地方！我99每日都想主宰一切，成日都要全屋人聽哂佢話，就連我老公既生意都想管！我99超級過份，之前話我，唔好以為自己生左個囡就大哂，現在又成日想掌控我同BB，我現在想嘗試返埋身，佢係房出面聽到BB喊，強行入我房抱走BB，但我係除哂衫，已經唔係第一次，完全無哂私隱，佢成日入我房抱走我個BB再入自己間房關哂門！成日黑面俾面色我睇，係我老公面前對我好似無野咁，唔知以為佢係變臉大師！又講哂啲歪理，又唔俾我抱BB訓，又唔俾我入房餵奶！佢真係一啲知識常識都無，佢話從來無聽過厭奶期，話我自己作出來！我呢排情緒已經好返好多，但佢見我好返啲又專登搞啲是是非非出來！我阿媽見我保唔到身，一食完就屙，好擔心我！又專情去買左冬蟲草整俾我食，我99見我食心思思係我身邊好不高興咁繞嘴，又話我阿媽整錯，又以前我會俾啲佢食！其實重有好多事，不能盡錄！我現在既唔知可以同邊個講，都係想搵個地方發洩下啫！

2016/10/06     2051

小圈圈： 女人聊天2016猴寶小圈九龍小圈